Thiruppavai 23 (Maarimalai Muzhanjil) - திருப்பாவை 23 (மாறி மலை முழைஞ்சில்)

இயற்றியவர்: ஆண்டாள் 

மாறி மலை முழைஞ்சில் மன்னி(க்) கிடந்து உறங்கும்
சீரிய சிங்கம் அறிவுற்று(த்) தீ விழித்து
வேரி மயிர் பொங்க எப்பாடும் பேர்ந்து உதறி
மூரி நிமிர்ந்து முழங்கி(ப்) புறப்பட்டு(ப்)
போதருமா போலே நீ பூவைப்பூ வண்ணா உன்
கோயில் நின்று இங்ஙனே போந்தருளி(க்) கோப்புடைய
சீரிய சிங்காசனத்து இருந்து யாம் வந்த
காரியம் ஆராய்ந்து அருளேலோர் எம்பாவாய்