Ramanuja Killikanni - ராமானுஜ கிளிகன்னி

ராகம்: செஞ்சுருட்டி 

ஆதிசேஷன் அம்சம்மடி ஆண்டாளின் அண்ணனடி
ஆளவந்தாருக்கு  அடிமையடி கிளியே
எங்களின் ராமானுசனடி கிளியே சுவாமி யதிராசனடி | |

அரங்கனின் அடிமையடி வேங்கடத்து வேதியனடி
பெரும்புதூர் வள்ளலடி கிளியே
எங்களின் ராமானுசனடி கிளியே சுவாமி யதிராசனடி | |

தேவராஜ தாசனடி பார்த்தசாரதி புத்திரனடி
பாருக்கெல்லாம் தெய்வமடி கிளியே
எங்களின் ராமானுசனடி கிளியே சுவாமி யதிராசனடி | |

நாரணனை காட்டினான்டி செல்வப்பிள்ளைக்கு தந்தையடி
வைரமுடி சாற்றினான்டி கிளியே
எங்களின் ராமானுசனடி கிளியே சுவாமி யதிராசனடி | |

சென்னிய சூடுவாரை வைகுந்ததில் வாழவைக்கும்
உய்யும் வழி அதுவே கிளியே
எங்களின் ராமானுசனடி கிளியே சுவாமி யதிராசனடி | |

Valli Kanavan perai - வள்ளிக்கணவன் பேரை

    

ராகம்: செஞ்சுருட்டி    

வள்ளிக்கணவன் பேரை வழிப்போக்கன் சொன்னாலும் 

உள்ளம் குழயுதடி கிளியே ஊனும் உருகுதடி கிளியே 

மாடுமனை போனாலென்ன மக்கள் சுற்றம் போனாலென்ன

கோடிச்செம்பொன் போனாலென்ன கிளியே 

குறுநகை போதுமடி முருகன் குறுநகை போதுமடி 

கூடிகுலாவி மேத்த குகனோடு வாழ்தந்தெல்லம் 

வேடிக்கை அல்லவடி கிளியே வெகுநாளை பாந்தமடி 

எங்கும் நிரந்திருப்போன் எட்டியும் எட்டாதிருப்போன்   

குங்குமவர்ணனடி கிளியே குமரப்பெருமானடி கிளியே 

மாலை வடிவேலவற்கு வரிசையாய் நான் எழுதும் 

ஒலைகிருக்காச்சுதே கிளியே உள்ளமும் கிறுக்காச்சுதே கிளியே 

கட்டுக்கொடி படர்ந்த கருஉறு காட்டுக்குள்ளே 

விட்டு பிரிந்தாரடி கிளியே (என்னை) வேலன் எனும் பெரோனடி ||

Pullai piravi - புல்லாய் பிறவி தரவேணும்

ராகம்: செஞ்சுருட்டி     

இயற்றியவர் : ஊத்துக்காடு  வேங்கட  சுப்பையர் 

புல்லாய்  பிறவி தரவேணும் கண்ணா 

புனிதமான பல கோடி பிறவி தந்தாலும் ப்ருந்தாவனமதில் || 

புல்லாகினும் நெடுநாள் நில்லாது ஆதலினால்

கல்லாய் பிறவி  தரவேணும் 

கமலமலரிழைகள் அனைய எனது உள்ளம்

புளகிதம் ஊற்றிடும் பவமற்றிடுமே ||

ஒருகனம் உன் பதம் படும் எந்தன் மேலே  

மறுகணம் நான் உயர்வேன் மென்மேலே 

திருமேனி என் மேலே அமர்திடும் ஒரு காலே 

திருமகள்லேன மலரடி பெயர்ந்துன்னை 

தொடர்ந்த ராதைக்கு இடம் தருவேனே 

திசைஇசை  எங்கணும் பரவிடும் குழலிசை 

மயங்கி வரும் பல கோபியருடனே

சிறந்தரசம் மிதில் நடம் நீ ஆடவும் 

ஸ்ருதியோடு லயம்மிக கலந்து பாடவும்

திளைப்பிலே வரும் களிப்பிலே 

எனக்கினை யாரென மகிழ்வேனே 

தவமிங்கு சுரரொடு முனிவரும் இயலா 

தனித்த பெரும்பெர்ரடைவேனே 

எவ்வுயருக்கும் உள்கலக்கும் இறைவனே
யமுனை துறைவனே (எனக்கும் ஒரு)||

Maadumeykkum Kanne - மாடுமேய்க்கும் கண்ணே

ராகம்: செஞ்சுரீடி 

இயற்றியவர்: ஊத்துக்காடு வேங்கட சுப்பய்யர் 

மாடுமேய்க்கும் கண்ணே நீ போகவேண்டாம் சொன்னேன் 

காய்சின பாலு தரேன் கல்கண்டு சீனி தரேன் 

கைநிறைய வெண்ணை தரேன் வெய்யிலிலே போக வேண்டாம் (மாடு)

 காய்ச்சின பாலும் வேண்டாம் கல்கண்டு சீனி வேண்டாம் 

உல்லாசமாய் மாடு மேய்த்து ஒருநொடியில் திரும்பிடுவேன் 

போகவேணும் தாயே தடை சொல்லாதே நீயே 

யமுனா நதி கரையில் எப்பொழுதும் கள்வர்பயம் 

கள்வர் வந்து உனை அதித்தல் கலங்கிடுவாய் கண்மணியே (மாடு)

 கள்ளனுகோர் கள்ளன் உண்டோ கண்டதுண்டோ சொல்லும்மம்மா 

கள்வர் வந்து எனை அடித்தல் கண்டதுண்டம் செய்திடுவேன் 

போகவேணும் தாயே தடை சொல்லாதே நீயே 

கோவர்தனகிரியில் கோரமான மிருகங்கள் உண்டு 

கரடி புலியை கண்டால் கலங்கிடுவாய் கண்மணியே

காட்டு ம்ருகங்களெல்லாம் என்னை கண்டால் ஓடி வரும் 

கூட்ட கூட்டமாக வந்தால் வேட்டையாடி ஜெயித்திடுவேன் 

போகவேணும் தாயே தடை சொல்லாதே நீயே 

பட்சமுள்ள நந்தகோபர் பாலன் எங்கே என்று கேட்டல் 

என்ன பதில் சொல்லவேண்ட என்னுடைய கண்மணியே (மாடு)

பாலருடன் வீதியிலே பந்தாடுறான் என்று சொல்லேன் 

தேடியே  நீ வருகையிலே ஓடிவந்து நின்றிடுவேன் 

போகவேணும் தாயே தடை சொல்லாதே நீயே (மாடு)

Vishamakaara Kannan - விஷமக்கார கண்ணன்

ராகம்: செஞ்சுருட்டி    

இயற்றியவர் : ஊத்துக்காடு  வேங்கட  சுப்பையர் 

விஷமக்கார கண்ணன் பொல்லாத விஷமக்கார கண்ணன் 

பொல்லாத விஷமக்கார கண்ணன் 

வேடிக்கையாய் பாட்டுப்பாடி விதவிதமாய் ஆட்டமாடி 

நாழிக்கொரு லீலை செய்யும் நந்தகோபல க்ருஷ்ணன்  ||

வேண்ணை பானை மூடக்கொடது

இவன் வந்து விழுங்கினாலும் கேட்கக்கூடாது 

இவன் அம்மா கிட்ட சொல்லக்கூடாது 

சொல்லிவிட்டால் அட்டகாசம் தாங்க ஒண்ணாது 

இவனை சும்மா ஒரு பேச்சுக்காணும் திருடனென்று சொல்லிவிட்டால் 

அம்மா பாட்டி அத்தை தாத்தா அத்தனையும் திருடன் என்பான் ||

நீலமேகம் போலே இருப்பன்

பாடினாலும் நெஞ்சில் வந்து குடி இருப்பன் 

கோலப்புள்ளங்குழல் ஊதி கோபிகளை கள்ளம்மாடி

கொஞ்சம்புற வெண்ணை தாடி என்றுகேட்டு ஆட்டம்மாடும்  ||

பக்கத்துக்கு வீட்டு பெண்ணை அழைப்பான் (கண்ணன்)

மூக்காரி ராகம் பாடச்சொல்லி வம்புக்கிழுப்பான் 

எனக்கது  தெரியாதென்றால் நெக்குருக கிள்ளிவிட்டு

விக்கி விக்கி அழும்போது இது தாண்டி மூக்காரி என்பான் ||